തിരുവനന്തപുരം: ശബരിമലയില് യുവതികള് ദര്ശനം നടത്തിയോ
എന്ന കാര്യം സ്ഥിരീകരിക്കാന് സിസിടിവി ദൃശ്യങ്ങള് പരിശോധിക്കുമെന്ന് ദേവസ്വം ബോര്ഡ് പ്രസിഡന്റ് എ പദ്മകുമാര്. യുവതീപ്രവേശനം സ്ഥിരീകരിച്ചാല് ആവശ്യമായ കാര്യങ്ങള് തന്ത്രി ചെയ്യുമെന്നും അദ്ദേഹം പറഞ്ഞു.
മാധ്യമപ്രവര്ത്തകര് ദൃശ്യങ്ങള് പുറത്ത് വിട്ടപ്പോള് മാത്രമാണ് യുവതികള് പ്രവേശിച്ചുവെന്ന വാര്ത്ത അറിഞ്ഞത്. ഇതില് വാസ്തവം എന്താണെന്ന് സിസിടിവി ദൃശ്യങ്ങള് പരിശോധിക്കാതെ പറയാനാവില്ലെന്നും ദേവസ്വം പ്രസിഡന്റ് വ്യക്തമാക്കി. ബോര്ഡിന്റെ നിലപാടില് മാറ്റമില്ലെന്നും വിശദമായ പരിശോധന ഇന്ന് നടത്തുമെന്നും വേണ്ട നടപടി കൈക്കൊള്ളുമെന്നും അദ്ദേഹം പറഞ്ഞു.
സ്ത്രീകള് ദര്ശനം നടത്തിയെന്ന വാര്ത്തയോട് തന്ത്രി കണ്ഠര് രാജീവരും പ്രതികരിച്ചിട്ടില്ല. അങ്ങനൊരു സാധ്യതയില്ല. യുവതികള് പ്രവേശനം നടത്തിയെങ്കില് ബോര്ഡുമായി ആലോചിച്ച് പ്രതികരിക്കാമെന്നായിരുന്നു തന്ത്രി പറഞ്ഞത്.
പുലര്ച്ചെ 3.45 ഓടെ ശബരിമല ദര്ശനം നടത്തിയതായാണ് ബിന്ദുവും കനകദുര്ഗയും വെളിപ്പെടുത്തിയത്. ഇത് സ്ഥിരീകരിക്കുന്ന ദൃശ്യങ്ങളും ഇവര് പുറത്ത് വിട്ടിരുന്നു. പതിനെട്ടാം പടി ചവിട്ടാതെയാണ് ഇരുവരും ദര്ശനം നടത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates