പത്തനംതിട്ട : മതവികാരം വ്രണപ്പെടുത്തിയെന്ന കേസില്‍ അറസ്റ്റിലായ ആക്ടിവിസ്റ്റും നടിയുമായ രഹ്ന ഫാത്തിമയെ കസ്റ്റഡിയില്‍ വിട്ടുകിട്ടണമെന്ന പൊലീസിന്റെ അപേക്ഷയില്‍ കോടതി ഇന്ന് വിധി പറയും. പത്തനംതിട്ട ചീഫ് ജുഡിഷ്യല്‍ മജിസ്‌ട്രേറ്റ് കോടതിയാണ് വിധി പ്രസ്താവിക്കുക.
മതവികാരം വ്രണപ്പെടുത്തിയ കേസില്‍ റിമാന്‍ഡിലായ രഹ്‌നയെ തുടരന്വേഷണത്തിനും തെളിവെടുപ്പിനുമായി മൂന്നു ദിവസത്തേക്ക് കസ്റ്റഡിയില്‍ വേണമെന്നാണ് പൊലീസ് ആവശ്യപ്പെട്ടിട്ടുള്ളത്. ചൊവ്വാഴ്ചയാണ് രഹ്ന ഫാത്തിമയെ കൊച്ചിയില്‍ നിന്ന് പത്തനംതിട്ട പൊലീസ് അറസ്റ്റ് ചെയ്തത്. കൊട്ടാരക്കര സബ് ജയിലില്‍ റിമാന്‍ഡിലാണ് രഹ്ന ഫാത്തിമ ഇപ്പോള്‍.
ബിജെപി നേതാവ് രാധാകൃഷ്ണ മേനോന്‍ നല്‍കിയ പരാതിയിലാണ് നടപടി. അറസ്റ്റിന് പിന്നാലെ ബിഎസ്എന്‍എല്‍ ജീവനക്കാരിയായ രഹന ഫാത്തിമയെ അന്വേഷണവിധേയമായി സസ്‌പെന്‍ഡ് ചെയ്തിരുന്നു. രഹനഫാത്തിമ ശബരിമല ദര്‍ശനത്തിന് ശ്രമിച്ചത് വിവാദമായിരുന്നു. നടപ്പന്തല്‍ വരെ പൊലീസ് സംരക്ഷണത്തോടെ പോയ രഹന ഫാത്തിമയെ പ്രതിഷേധം രൂക്ഷമായതോടെ പൊലീസ് പിന്തിരിപ്പിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates