തിരുവനന്തപുരം: കേരളത്തില്‍ നിന്ന് പരീക്ഷാ ഡ്യൂട്ടിക്ക് പോയി ലക്ഷദ്വീപില്‍ കുടുങ്ങിയ അധ്യാപകരെ കവരത്തിയില്‍ എത്തിച്ചു. വിവിധ ദ്വീപുകളില്‍ കുടുങ്ങിയ എട്ട് മലയാളി അധ്യാപകരെയാണ് കവരത്തിയില്‍ എത്തിച്ചത്. അടുത്ത കപ്പലില്‍ ഇവരെ കൊച്ചിയില്‍ എത്തിക്കും. 

സംസ്ഥാനത്തെ വിവിധ ജില്ലകളില്‍ നിന്നും പത്താം ക്ലാസ്, പ്ലസ് വണ്‍, പ്ലസ് ടു പരീക്ഷകളുടെ ഡ്യൂട്ടിക്കായി ലക്ഷദ്വീപില്‍ പോയ അധ്യാപകരാണ് ലോക്ക്ഡൗണിനെത്തുടര്‍ന്ന്  കുടുങ്ങിയത്.