കൊച്ചി: എസ്എന്സി ലാവലിന് കേസില് കുറ്റപത്രം റദ്ദാക്കിയതിന് എതിരായ ഹര്ജിയില് ഹൈക്കോടതി ഇന്നു വിധി പറയും. മുഖ്യമന്ത്രി പിണറായി വിജയന് ഉള്പ്പെടെയുള്ളവര്ക്കെതിരായ കുറ്റപത്രം റദ്ദാക്കിയതിന് എതിരെ സിബിഐ നല്കിയ റിവ്യൂ പെറ്റിഷനിലാണ് ഹൈക്കോടതി ഉച്ചയ്ക്ക് 1.45ന് വിധി പറയുക. മുഖ്യമന്ത്രി പിണറായി വിജയന്റെ രാഷ്ട്രീയ ജീവിതത്തില് നിര്ണായകമായാണ് ലാവലിന് കേസ് കണക്കാക്കപ്പെടുന്നത്.
കേസില് പിണറായി വിജയന് ഉള്പ്പെടെയുള്ളവരെ കുറ്റവിമുക്തരാക്കിയ വിചാരണ കോടതി നടപടിക്കെതിരെ സിബിഐ നല്കിയ റിവിഷന് ഹര്ജിയാണ് ഹൈക്കോടതി പരിഗണിച്ചത്. പിണറായി വിജയന് വൈദ്യുതി മന്ത്രി ആയിരുന്ന സമയത്ത് ലാവ്ലിനുമായി കരാറുണ്ടാക്കിയത് മന്ത്രിസഭ അറിയാണെന്നാണ് സിബിഐ ഉയര്ത്തുന്ന വാദം. ഇടപാടിന് പിണറായി അമിത താല്പര്യം കാണിച്ചുവെന്നും സിബിഐ ആരോപിച്ചു.
നിയമപരമായി നിലനില്ക്കാത്ത കരാറാണ് ലാവ്ലിന് കമ്പനിയുമായി ഉണ്ടാക്കിയത്. ഇതില് വൈദ്യുത ബോര്ഡിലെ ഉന്നത ഉദ്യോഗസ്ഥര്ക്കുണ്ടായിരുന്ന എതിര്പ്പ് മറച്ചുവയ്ക്കുകയാണ് ചെയ്തതെന്നും സിബിഐ ആരോപിക്കുന്നുണ്ട്. ലാവ്ലിന് പ്രതിനിധികള്ക്ക് പ്രത്യേക പരിഗണന ലഭിക്കുന്ന മലബാര് കാന്സര് സെന്റര് പിണറായിയുടെ ആശയത്തിന്റെ പുറത്തുണ്ടായതായിരുന്നു. ജലവൈദ്യുത പദ്ധതികളുടെ നവീകരണത്തിന് കരാറുണ്ടാക്കുമ്പോള് പൂര്ണ നവീകരണം ആവശ്യമില്ലെന്ന ബോധ്യമുണ്ടായിട്ടും പൂര്ണ നവീകരണത്തിന് കരാറുണ്ടാക്കിയെന്നും സിബിഐ ആരോപിക്കുന്നുണ്ട്.
പിണറായി വൈദ്യുതി മന്ത്രിയായിരിക്കുമ്പോഴാണ് പള്ളിവാസല്, ചെങ്കുളം, പന്നിയാര് എന്നീ ജലവൈദ്യുത നിലയങ്ങളുടെ നവീകരണ കരാര് എന്എന്സി ലാവ്ലിന് നല്കിയത്. ഇതിലൂടെ പൊതുഖജനാവിന് നഷ്ടമുണ്ടായെന്നാണ് സിഎജി കണ്ടെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates