തിരുവനന്തപുരം: വിദേശ വനിത ലിഗയുടെ കൊലപാതകത്തില്‍ രണ്ടു പേരുടെ അറസ്റ്റ് ഉടന്‍ ഉണ്ടായേക്കുമെന്ന് സൂചന. കസ്റ്റഡിയിലുളള രണ്ടുപേര്‍ കുറ്റം സമ്മതിച്ചു. പ്രദേശവാസികളായ രണ്ടുപേരാണ് കസ്റ്റഡിയിലുളളത്. പീഡനശ്രമത്തിനിടെയാണ് കൊലപാതകമെന്നാണ് ഒരാളുടെ മൊഴി. പണം തട്ടാനുളള കയ്യേറ്റ ശ്രമത്തിനിടെയാണ് കൊലപാതകമെന്നാണ് രണ്ടാമത്തെ മൊഴിയില്‍ പറയുന്നത്.

ലിഗയുടെ ആന്തരികാവയവങ്ങളുടെ നിര്‍ണായക രാസപരിശോധനാ ഫലത്തിന്റെ അടിസ്ഥാനത്തിലാണ് പൊലീസ് തുടര്‍നടപടികള്‍ സ്വീകരിക്കുന്നത്. ബോട്ടിംഗ് നടത്താമെന്ന് പറഞ്ഞാണ് ലിഗയെ കോവളത്തെ കണ്ടല്‍കാട്ടില്‍ എത്തിച്ചതെന്ന് കസ്റ്റഡിയിലുള്ള ഒരാള്‍ മൊഴി നല്‍കിയതായുളള റിപ്പോര്‍ട്ട് ചൊവ്വാഴ്ച പുറത്തുവന്നിരുന്നു.