കൊച്ചി: ലോക്ക്ഡൗണിനെ തുടര്‍ന്ന് ആളും ആരവവുമൊഴിഞ്ഞ തെരുവില്‍ അപൂര്‍വ്വ ദൃശ്യഭംഗിയൊരുക്കുകയാണ് ഈ മയില്‍.  ഫോര്‍ട്ടുകൊച്ചിയിലാണ് ഈ കാഴ്ച. കുറച്ചു ദിവസങ്ങളായി മയിലിനെ ഇവിടെ കാണുന്നുണ്ടെന്ന് പ്രദേശവാസികള്‍ പറയുന്നു. 

വിദേശികളും കച്ചവടക്കാരും എല്ലാം ചേര്‍ന്ന് സദാ സമയവും തിരക്കിലായിരുന്നു ഫോര്‍ട്ട് കൊച്ചി . എന്നാല്‍ ലോക് ഡൗണ്‍ പ്രഖ്യാപിച്ചതോടെ ഇവിടം ശൂന്യമായി. ഈ സമയത്ത് ഫോര്‍ട്ടുകൊച്ചിയിലെ ഭംഗി ആസ്വദിക്കാനെന്ന വണ്ണം എത്തിയിരിക്കുകയാണ് മയില്‍.