കൊച്ചി : കൊച്ചി പെരുമ്പാവൂരില്‍ വാഹനാപകടത്തില്‍ മൂന്നുപേര്‍ മരിച്ചു. നിര്‍ത്തിയിട്ട ലോറിക്ക് പിന്നില്‍ കാറിടിച്ചായിരുന്നു അപകടം ഉണ്ടായത്. മലപ്പുറം സ്വദേശികളാണ് അപകടത്തില്‍ മരിച്ചത്. 

പുലര്‍ച്ചെ 3.30 ഓടെയായിരുന്നു സംഭവം. പെരുമ്പാവൂര്‍ എം സി റോഡില്‍ പുല്ലുവഴിയ്ക്ക് സമീപമാണ് അപകടം ഉണ്ടായത്. സുമയ്യ, ഷാജഹാന്‍, ഹനീഫ എന്നിവരാണ് മരിച്ചത്. മലപ്പുറത്തു നിന്നും സുമയ്യയുടെ മുണ്ടക്കയത്തെ വീട്ടിലേക്ക് പോകുകയായിരുന്നു ഇവര്‍.