തിരുവനന്തപുരം: മുന്‍ മുഖ്യമന്ത്രിയും ഭരണപരിഷ്‌കാര കമ്മിഷന്‍ ചെയര്‍മാനുമായ വി.എസ്.അച്യുതാനന്ദനെ ആശുപത്രിയില്‍ പ്രവേശിപ്പിച്ചു. രക്തസമ്മര്‍ദ്ദത്തില്‍ വ്യതിയാനം ഉണ്ടായതിനെ തുടര്‍ന്നാണ് ആശുപത്രിയിലേക്ക് മാറ്റിയത്. 

എന്നാലിപ്പോള്‍ അദ്ദേഹത്തിന്റെ ആരോഗ്യനില തൃപ്തമാണെന്ന് ഡോക്ടര്‍മാര്‍ വ്യക്തമാക്കി. പനിക്കും, ജലദോഷത്തിനും പുറമെ ശ്വസസംബന്ധിയായ ബുദ്ധിമുട്ടും നേരിട്ടതോടെയാണ് ഞായറാഴ്ച വൈകിട്ടോടെ വിഎസിനെ ആശുപത്രിയില്‍ പ്രവേശിപ്പിച്ചത്. 

നിരീക്ഷണത്തിനായി ആദ്യം തീവ്രപരിചരണ വിഭാഗത്തില്‍ പ്രവേശിപ്പിച്ചെങ്കിലും ആരോഗ്യനില തൃപ്തികരമായതിനെ തുടര്‍ന്ന് റൂമിലേക്ക് മാറ്റി.