കൊല്ലം: കൊല്ലം താലൂക്ക് ആശുപത്രിയില്‍  നേത്രരോഗ ചികിത്സയ്‌ക്കെത്തിയ വിദ്യാര്‍ത്ഥിനിയുടെ കണ്ണില്‍ വിര.  2.5 സെന്റിമീറ്റര്‍ നീളമുള്ള വിരയെ  ശസ്ത്രക്രിയയിലൂടെ പുറത്തെടുത്തു.നേത്രരോഗ വിദഗ്ധ ഡോ. അഞ്ജലിയാണ് ശസ്ത്രക്രിയ നടത്തിയത്. 

ഒന്‍പതിനു കണ്ണിലെ ചുവപ്പു നിറം കാരണം ചികിത്സയ്‌ക്കെത്തിയതാണ് 15 വയസ്സുകാരിയായ കുട്ടി.പരിശോധനയില്‍ കണ്‍തടത്തെയും കണ്‍പോളയെയും ബന്ധിപ്പിക്കുന്ന ആവരണമായ കണ്‍ജങ്‌ടൈവയുടെ ഉള്ളില്‍  വിരയെ  കണ്ടെത്തി. ഉടന്‍ തന്നെ പുറത്തെടുത്തു. ഡൈറോഫൈലേറിയ ഇനത്തില്‍പ്പെട്ടതാണ് വിരയെന്നു താലൂക്കാശുപത്രി സൂപ്രണ്ട് ഡോ. കെ ആര്‍ സുനില്‍കുമാര്‍ അറിയിച്ചു. ചിലതരം കൊതുകുകളാണ് ഇതു പരത്തുന്നത്.