തൊടുപുഴ:  വിവാഹദിനത്തിൽ രാവിലെ ബ്യൂട്ടി പാർലറിൽ ഒരുങ്ങാൻ പോയ പ്രതിശ്രുത വധു കാമുകനൊപ്പം ഒളിച്ചോടി. വിവാഹത്തിന് മണിക്കൂറുകള്‍ക്ക് മുമ്പ്‌ ഒരുങ്ങാനെന്ന പേരിൽ വീട്ടിൽ നിന്നിറങ്ങിയ പെൺകുട്ടി ബ്യൂട്ടി പാർലറിനു സമീപം കാത്തുനിന്ന കാമുകനൊപ്പം ഒളിച്ചോടുകയായിരുന്നു. 

പ്രണയത്തിലാണെന്ന വിവരം പെൺകുട്ടി വീട്ടുകാരെ അറിയിച്ചിരുന്നെങ്കിലും അവർ മറ്റൊരാളുമായി വിവാഹം ഉറപ്പിക്കുകയായിരുന്നു. ഇതേത്തുടർന്നാണ് കാമുകനൊപ്പം ഇറങ്ങിപ്പോകാൻ പെൺകുട്ടി തീരുമാനിച്ചത്. 

ഒളിച്ചോടിയ വിവരം അറിഞ്ഞതോടെ പെൺവീട്ടുകാർ സംഭവം വരന്റെ വീട്ടിൽ അറിയിച്ചു. പിന്നീട് പെൺകുട്ടിയെയും കാമുകനെയും തിരഞ്ഞുപിടിച്ച് ഇരുവരുടെയും വിവാഹം നടത്തിക്കൊടുത്തു. ഇന്നലെ വൈകിട്ടായിരുന്നു ഇവരുടെ വിവാഹം.