സുല്‍ത്താന്‍ ബത്തേരി: നെന്‍മേനി പഞ്ചായത്ത് പ്രസിഡന്റ് സിആര്‍ കറുപ്പന്‍ അപമര്യാദയായി പെരുമാറിയെന്ന വീട്ടമ്മയുടെ പരാതിയില്‍ അമ്പലവയല്‍ പൊലീസ് കേസെടുത്തു. കോളിയാടി സ്വദേശിയായ വീട്ടമ്മയുടെ പരാതിയിലാണ് പൊലീസ് കേസെടുത്തത്.

പഞ്ചായത്തില്‍ നിന്ന് വീട് അനുവദിച്ച് കിട്ടുന്നതിന് അപേക്ഷ നല്‍കിയിരുന്നു. അതുമായി ബന്ധപ്പെട്ട് ബുധനാഴ്ച രാവിലെ അന്വേഷിക്കാനെത്തിയ പഞ്ചായത്ത് പ്രസിഡന്റിന്റെ ഭാഗത്തുനിന്നും മോശമായ പെരുമാറ്റം ഉണ്ടായെന്നും അയല്‍വാസികള്‍ കണ്ടതുകൊണ്ടാണ് രക്ഷപ്പെട്ടതെന്നും വീട്ടമ്മ നല്‍കിയ പരാതിയില്‍ പറയുന്നു. സംഭവത്തിന് പിന്നാലെ പ്രസിഡന്റ് രാജിവെക്കണമെന്നാവശ്യപ്പെട്ട് കോണ്‍ഗ്രസ് രംഗത്തെത്തി