ചങ്ങനാശേരി: വീടിനുള്ളില്‍ അതിക്രമിച്ച് കയറി യുവതിയെ ഉപദ്രവിക്കാന്‍ ശ്രമിച്ച പതിനെട്ടുകാരന്‍ പൊലീസ് പിടിയില്‍. കുരിശുംമൂട് കൂനന്താനം പുറക്കടവ് കിഴക്കേപ്പറമ്പില്‍ അല്‍ത്താഫ് ഷെരീഫിനെയാണ് ചങ്ങനാശേരി സിഐ പിവി മനോജ് കുമാറിന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്. ശനിയാഴ്ച രാവിലെ ആയിരുന്നു സംഭവം.

യുവതി  ബഹളം വച്ചതോടെ നാട്ടുകാര്‍ എത്തിയെങ്കിലും അല്‍ത്താഫ് ഓടി രക്ഷപ്പെട്ടു. തുടര്‍ന്ന് യുവതി ഡിവൈഎസ്പി എസ് സുരേഷ് കുമാറിനു പരാതി നല്‍കി. തുടര്‍ന്നു നടത്തിയ പരിശോധനയിലാണ് ഇയാള്‍ പിടിയിലായത്.  കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. കഞ്ചാവ് ഉള്‍പ്പെടെയുള്ള ലഹരിക്ക് അടിമയാണ് പ്രതിയെന്ന് പൊലീസ് പറഞ്ഞു