വയനാട്: സംസ്ഥാനത്ത് കനത്ത മഴയില് വീടു നഷ്ടപ്പെട്ടവര്ക്ക് നാലു ലക്ഷംരൂപ വീതം അടിയന്തര സഹായം നല്കുമെന്ന് മുഖ്യമന്ത്രി പിണറായി വിജയന്. വീടും ഭൂമിയും നഷ്ടപ്പെട്ടവര്ക്ക് പത്തു ലക്ഷം രൂപ നല്കുമെന്ന് മുഖ്യമന്ത്രി അറിയിച്ചു.
മുഖ്യമന്ത്രിയും പ്രതിപക്ഷ നേതാവും റവന്യു മന്ത്രിയും അടങ്ങുന്ന സംഘം വയനാട്ടിലെ ദുരിത ബാധിത പ്രദേശങ്ങള് സന്ദര്ശിച്ചു. സംഘം നേരത്തെ ഇടുക്കിയില് എത്തിയിരുന്നെങ്കിലും പ്രതികൂല കാലാവസ്ഥ മൂലം ഹെലികോപ്റ്റര് ഇറക്കാനായില്ല. തുടര്ന്നാണ് മുഖ്യമന്ത്രിയും സംഘവും വയനാട്ടിലെത്തിയത്. മുണ്ടേരിയിലെ ദുരിതാശ്വാസ ക്യാമ്പ് സംഘം സന്ദര്ശിച്ചു.
വീടു നഷ്ടപ്പെട്ടവര്ക്കും മരിച്ചവരുടെ കുടുംബത്തിനും നാലു ലക്ഷം രൂപ സഹായ ധനം നല്കുമെന്ന് മുഖ്യമന്ത്രി പറഞ്ഞു. വീടും ഭൂമിയും നഷ്ടപ്പെട്ടവര്ക്ക് പത്തു ലക്ഷം രൂപ നല്കും. ദുരിതാശ്വാസ ക്യാമ്പില് കഴിയുന്നവര്ക്ക് 3800 രൂപ വീതം നല്കും. അടിയന്തര സഹായമെന്ന നിലയിലാണ് ഇത്. കാലവര്ഷക്കെടുതിയില് രേഖകള് നഷ്ടപ്പെട്ടവര്ക്ക് അതു ലഭ്യമാക്കാന് പ്രത്യേക അദാലത്തുകള് സംഘടിപ്പിക്കുമെന്നും മുഖ്യമന്ത്രി അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates