മലപ്പുറം: പാമ്പുകടിയേറ്റ് ചികിത്സയിലായിരുന്ന മൂന്നുവയസ്സുകാരി മരിച്ചു. കൊളവട്ടം കോട്ടക്കുന്നൻ ഷംസുദ്ദീന്റെയും റിഫ്നയുടെയും ഏകമകൾ മെഹറിൻ ആണ് മരിച്ചത്. കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലായിരുന്നു മെഹറിൻ.

വെള്ളിയാഴ്ച വൈകിട്ട് ബന്ധുവീടിന്റ മുറ്റത്ത് കളിച്ചുകൊണ്ടിരിക്കുമ്പോഴാണ് മെഹറിന് പാമ്പുകടിയേറ്റത്. ഉടൻതന്നെ ആശുപത്രിയിലെത്തിച്ച കുഞ്ഞ് ഇന്നലെ പുലർച്ചെയാണ് മരിച്ചത്.