തിരുവനന്തപുരം: ബംഗാൾ ഉൾക്കടലിൽ നാളെ മുതൽ വീണ്ടും ന്യൂനമർദം രൂപപ്പെടാൻ സാധ്യത. ആൻഡമാൻ കടലിൽ ന്യൂനമർദം രൂപപ്പെടാനിടയുണ്ടെന്നാണു കാലാവസ്ഥാ വകുപ്പിന്റെ മുന്നറിയിപ്പ്.

വരുന്ന രണ്ട് ദിവസങ്ങളിൽ ആൻഡമാൻ കടലിലും സമീപപ്രദേശങ്ങളിലും മണിക്കൂറിൽ 60 കിലോമീറ്റർ വരെ വേഗത്തിലുള്ള കാറ്റിനു സാധ്യതയുണ്ട്.

കടൽ പ്രക്ഷുബ്ധമാകുമെന്നതിനാൽ മത്സ്യത്തൊഴിലാളികൾ ഈ മേഖലകളിൽ പോകരുതെന്നും നിർദ്ദേശമുണ്ട്.