തിരുവനന്തപുരം: ലോക്‌സഭാ തെരഞ്ഞെടുപ്പിന്റെ വെബ് കാസ്റ്റിങ് രഹസ്യ
രേഖയെന്ന് ജില്ലാ കളക്ടര്‍മാര്‍. വെബ് കാസ്റ്റിങ് ദൃശ്യങ്ങള്‍ തെരഞ്ഞെടുപ്പ് കമ്മീഷന്റെ രേഖകളാണ്. റീ പോളിങ് നടക്കുന്ന ബൂത്തുകളിലെ ദൃശ്യങ്ങള്‍ അതത് കളക്ടര്‍മാര്‍ക്ക് മാത്രമേ കാണാന്‍ കഴിയൂ. ഏപ്രില്‍ 23 ന് സംസ്ഥാനത്ത് നടന്ന തെരഞ്ഞെടുപ്പിന്റെ വെബ്കാസ്റ്റിങ് പൊതുജനങ്ങള്‍ക്ക് ലഭിച്ചത് ചിലര്‍ നുഴഞ്ഞ് കയറിയിട്ടാണെന്നും ഇതിന് വ്യവസ്ഥയില്ലെന്നും കളക്ടര്‍മാര്‍ പറയുന്നു. 

 ഏപ്രില്‍ 23 ലെ വെബ്കാസ്റ്റിങ് ദൃശ്യങ്ങള്‍ പുറത്തായത് പരിശോധിച്ച ചില പ്രവാസികളാണ് ആദ്യം കള്ളവോട്ട് നടന്നതായി പരാതിപ്പെട്ടത്. സ്‌ക്രീന്‍ഷോട്ട് സഹിതമായിരുന്നു ഇവരുടെ പരാതി. തെരഞ്ഞെടുപ്പ് ഓഫീസര്‍ പരിശോധിച്ച് കള്ളവോട്ട് നടന്നതായി സ്ഥിരീകരിക്കുകയായിരുന്നു. ഇതോടെയാണ് കണ്ണൂരിലെ മൂന്നും കാസര്‍കോട്ടെ നാല് ബൂത്തുകളിലും ഇന്ന് റീ പോളിങ് പുരോഗമിക്കുന്നത്.