കൊച്ചി: സിറോമലബാർ സഭയിലെ കർദ്ദിനാൾ ഫാദർ ജോർജ് ആലഞ്ചേരിക്കെതിരെ വ്യാജരേഖ നിർമ്മിച്ച കേസുമായി ബന്ധപ്പെട്ട് ഒരാളെ അറസ്റ്റ് ചെയ്തു. രേഖ നിർമ്മിച്ച് ഇന്റർനെറ്റിൽ അപ്ലോഡ് ചെയ്ത ആദിത്യൻ എന്നയാളാണ് അറസ്റ്റിലായത്. സഭയിലെ തന്നെ ഒരു വൈദികന്റെ ആവശ്യ പ്രകാരമാണ് രേഖ നിർമ്മിച്ചതെന്ന് ഇയാൾ പൊലീസിൽ മൊഴി നൽകിയിട്ടുണ്ട്. വ്യാജരേഖ നിർമ്മിക്കാൻ ഉപയോ​ഗിച്ച കമ്പ്യൂട്ടർ പൊലീസ് കണ്ടെടുത്തു. തേവരയിൽ നിന്നാണ് ഇത് കണ്ടെത്തിയത്.

സഭയ്ക്കുള്ളിൽ കർദ്ദിനാളിനെതിരെ വികാരമുണ്ടാക്കുക എന്ന ലക്ഷ്യത്തോടെയുള്ളതായിരുന്നു രേഖയെന്നുംഇയാൾ വെളിപ്പെടുത്തി. എറണാകുളം കോന്തുരുത്തി സ്വദേശിയായ ആദിത്യനെ ഇന്ന് മജിസ്ട്രേറ്റിന് മുന്നിൽ ഹാജരാക്കും.

വ്യാജരേഖാക്കേസുമായി ബന്ധപ്പെട്ട് മുരിങ്ങൂർ സാൻജോ പളളി വികാരി ഫാദർ ടോണി കല്ലൂക്കാരനെ ഇന്ന് അറസ്റ്റ് ചെയ്തേക്കുമെന്ന് പൊലീസ് വെളിപ്പെടുത്തിയിട്ടുണ്ട്.