തിരുവനന്തപുരം: വ്യാഴാഴ്ച മുതല്‍ ഞായറാഴ്ച വരെ ഓണ്‍ലൈന്‍ സേവനങ്ങള്‍ തടസ്സപ്പെടുമെന്ന് കെഎസ്ഇബി. ബോര്‍ഡിന്റെ ഐടി വിഭാഗം നവീകരിക്കുന്നതിന്റെ ഭാഗമായി നിര്‍മ്മിച്ച ഡിസാസ്റ്റര്‍ റിക്കവറി സെന്ററിന്റെ പ്രവര്‍ത്തനക്ഷമതാ പരിശോധന നടക്കുന്നതിനാലാണിത്.

ഡിആര്‍ ഡ്രില്‍ നടക്കുന്നതിനാല്‍ അക്ഷയ, ഫ്രണ്ടസ്, സിഎസ് സി തുടങ്ങിയ ജനസേവന കേന്ദ്രങ്ങള്‍ വഴിയും ഓണ്‍ലൈന്‍ ബാങ്കിംങ് വഴിയും വൈദ്യുതി ബില്ലുകള്‍ അടയ്ക്കുന്നതിന് സാധിക്കില്ല. 1912 എന്ന നമ്പറിലെ കസ്റ്റമര്‍ കെയര്‍ സേവനവും ഈ ദിവസങ്ങളില്‍ തടസ്സപ്പെടുമെന്നും കെഎസ്ഇബി അറിയിച്ചു.

വൈദ്യുതി സംബന്ധിച്ച പരാതികള്‍ അറിയിക്കുന്നതിനായി സെക്ഷന്‍ ഓഫീസുകളെ ബന്ധപ്പെടേണ്ടതുണ്ടെന്നും ബോര്‍ഡ് വ്യക്തമാക്കി.