തിരുവനന്തപുരം: ഒടുവില്‍ വിവാഹ വാര്‍ത്ത പ്രഖ്യാപിച്ച് ശബരിനാഥ്. സബ് കളക്ടര്‍ ദിവ്യ.എസ്.അയ്യരാണ് തനിക്ക് കൂട്ടായെത്തുന്നതെന്ന് അരുവിക്കര എംഎല്‍എയും മുന്‍ സ്പീക്കര്‍ ജി.കാര്‍ത്തികേയന്റെ മകനുമായ ശബരിനാഥ് പറയുന്നു. ഫേസ്ബുക്കിലൂടെയാണ് ശബരിനാഥ് വിവാഹ വാര്‍ത്ത എല്ലാവരേയും അറിയിച്ചിരിക്കുന്നത്.

ദിവ്യയെ താന്‍ പരിചയപ്പെടുന്നത് തിരുവനന്തപുരത്ത് വെച്ചാണ്. തമ്മിലടുത്തപ്പോള്‍ ആശയങ്ങളിലും ഇഷ്ടങ്ങളിലും ജീവിത വീക്ഷണങ്ങളിലും സമാനതകളുണ്ടെന്ന് ബോധ്യമായതായി ശബരി ഫേസ്ബുക്ക് പോസ്റ്റില്‍ കുറിക്കുന്നു. 

ഇരു കുടുംബങ്ങളുടേയും സ്‌നേഹാശിസുകളോടെയാണ് വിവാഹം. ബാക്കി കാര്യങ്ങള്‍ വഴിയെ അറിയിക്കാമെന്നാണ് ശബരിനാഥ് പറയുന്നത്.