തിരുവനന്തപുരം; ശബരിമലയില്‍ യുവതികളെ പ്രവേശിപ്പിക്കുന്നതിന് അനുകൂലമായി ദേവസ്വം ബോര്‍ഡും സര്‍ക്കാരും സുപ്രീംകോടതിയില്‍ നിലപാട് എടുത്തതിന് എതിരേ പ്രതിഷേധ ദിനം ആചരിക്കാന്‍ ശബരിമല കര്‍മസമിതി. കേരളത്തിലെ വിവിധ  കേന്ദ്രങ്ങളില്‍ പ്രതിഷേധ പ്രകടനം നടത്തുമെന്ന് കര്‍മ സമിതി അറിയിച്ചു. പ്രതിഷേധ ദിനത്തിന് ബിജെപി പിന്തുണയുണ്ട്. സര്‍ക്കാര്‍ നിലപാടിനെതിരെ യുഡിഎഫും നേരത്തെ തന്നെ പരസ്യ പ്രതിഷേധം അറിയിച്ചിരുന്നു. ശബരിമലയില്‍ സ്ത്രീകള്‍ പ്രവേശിക്കുന്നത് എതിര്‍ക്കേണ്ടതില്ല എന്നായിരുന്നു സര്‍ക്കാര്‍ നിലപാട്.