തിരുവനന്തപുരം : പാറശാല സ്വദേശി ശ്രീജിവ് പൊലീസ് കസ്റ്റഡിയില്‍ മരിച്ച സംഭവത്തില്‍ സിബിഐ നാളെ കേസ് രജിസ്റ്റര്‍ ചെയ്യും. ഇതു സംബന്ധിച്ച വിജ്ഞാപനം പുറത്തിറക്കി. സിബിഐ തിരുവനന്തപുരം യൂണിറ്റിനാണ് അന്വേഷണ ചുമതല. കേസുമായി ബ്ന്ധപ്പെട്ട് രേഖകള്‍ കൈമാറാന്‍ നിര്‍ദേശിച്ച് സിബിഐ ക്രൈംബ്രാഞ്ചിനു കത്തു നല്‍കി.

കേസ് സിബിഐ അന്വേഷിക്കുമെന്ന് വ്യക്തമാക്കി നേരത്തെ കേന്ദ്ര പഴ്‌സനല്‍ മന്ത്രാലയം കത്തു നല്‍കിയിരുന്നു. സംസ്ഥാന സര്‍ക്കാരിനു ലഭിച്ച കത്ത് മുഖ്യമന്ത്രിയുടെ െ്രെപവറ്റ് സെക്രട്ടറി എംവി ജയരാജന്‍ സെക്രട്ടേറിയറ്റ് പടിക്കല്‍ സമരം നടത്തുന്ന ശ്രീജിത്തിന്റെ സമരപ്പന്തലിലെത്തി കൈമാറിയിരുന്നു. എ്ന്നാല്‍ അന്വേഷണ നടപടികള്‍ തുടങ്ങിയ ശേഷം സമരം അവസാനിപ്പിക്കാമെന്നായിരുന്നു ശ്രീജിത്തിന്റെ നിലപാട്.

അന്വേഷണത്തെക്കുറിച്ച് വ്യക്തത വന്നശേഷം സമരം അവസാനിപ്പിക്കുമെന്ന്, നാളെ കേസ് രജിസ്റ്റര്‍ ചെയ്യുമെന്ന വാര്‍ത്തയോടു പ്രതികരിച്ചുകൊണ്ട് ശ്രീജിത് പറഞ്ഞു.