കൊച്ചി: അഴയില് തൂക്കിയിട്ട ഷര്ട്ടില് ഒളിച്ചിരുന്നത് ഉഗ്രവിഷമുള്ള പാമ്പ്. അതും അണലി. കദളിക്കാട് പാറയ്ക്കല് വീട്ടീല് ജസ്റ്റിസിന്റെ മകന് ജിന്സണ് അഗസ്റ്റിനെ കഴുകി അഴുക്കാനിട്ടിരുന്ന ഷര്ട്ടിനുള്ളില് കയറിക്കൂടിയ അണലിയാണ്. പുരികത്തിലാണ് കടിയേറ്റത്. ഉടനെ ആശുപത്രിയില് എത്തിച്ചതിനാല് അപകടനിലതരണം ചെയ്തു. ഒന്പതാം ക്ലാസ് വിദ്യാര്ഥിയാണ് ജിന്സണ്.
ഞായറാഴ്ച വൈകീട്ട് ഏഴിന് ആയിരുന്നു സംഭവം. കുളി കഴിഞ്ഞ് അഴയില് കിടന്ന ഷര്ട്ട് എടുത്തു ധരിച്ചപ്പോള് പാമ്പ് ജിന്സന്റെ പുരികത്തില് കടിച്ചു തൂങ്ങുകയായിരുന്നു. ജിന്സണ് പാമ്പിനെ പറിച്ചെടുത്ത് വലിച്ചെറിഞ്ഞു. നിലവിളി കേട്ടെത്തിയ അമ്മ ഉടനെ ആശുപത്രിയിലെത്തിച്ചു.
മൂവാറ്റുപുഴ ചാരീസ് ആശുപത്രിയില് ഡോ അജി ബാലകൃഷ്ണന്റെ നേതൃത്വത്തില് നടത്തിയ ചികിത്സയില് ജിന്സണ് അപകടനില തരണം ചെയ്തു. കടിയേറ്റത് പുരികത്തില് ആയതിനാല് കൂടുതല് നിരീക്ഷണവും പരിചരണവും മരുന്നും വേണ്ടിവന്നുവെന്ന് ഡോക്ടര് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates