കണ്ണൂര്‍: സമകാലിക മലയാളം വാരികയുടെ 2018ലെ സാമൂഹ്യസേവന പുരസ്‌കാരം ടിപി പത്മനാഭന് സമ്മാനിച്ചു. ഒരുലക്ഷം രൂപയും ഫലകവും അടങ്ങുന്ന പുരസ്‌കാരം പ്രമുഖ സാഹിത്യകാരന്‍ സിവി ബാലകൃഷ്ണന്‍ കൈമാറി.
പയ്യന്നൂര്‍ വൈശാഖ് ഇന്റര്‍നാഷണലില്‍ നടന്ന സമ്മാനദാന ചടങ്ങില്‍ ചലചിത്രനടനും സംവിധായകനും എഴുത്തുകാരനുമായ മധുപാല്‍ മുഖ്യാതിഥിയായി. ഇന്ത്യന്‍ എക്‌സ്പ്രസ് ജനറല്‍ മാനേജര്‍ (കേരള) വിഷ്ണുനായര്‍, എഴുത്തുകാരന്‍ താഹ മാടായി, പരിസ്ഥിതി പ്രവര്‍ത്തകന്‍ ഇ ഉണ്ണികൃഷ്ണന്‍, പി സോന, സമകാലിക മലയാളം വാരിക പത്രാധിപര്‍ സജി ജെയിംസ് എന്നിവര്‍ പങ്കെടുത്തു.
കേരളത്തില്‍ പാരിസ്ഥിതിക അവബോധത്തിന് പഠനങ്ങളിലൂടെയും സമരങ്ങളിലൂടെയും പുതിയൊരു ദിശാബോധം നല്‍കിയ സൊ സൈറ്റി ഫോര്‍ എന്‍വയോണ്‍മെന്റല്‍ എജ്യുക്കേഷന്‍ ഇന്‍ കേരള( സീക്ക്)യുടെ അമരക്കാരനാണ് അധ്യാപകനും പരിസ്ഥിതിപ്രവര്‍ത്തകനുമായ പത്മനാഭന്. പരിസ്ഥിതിശാസ്ത്രജ്ഞനായ പ്രൊഫ. എം.കെ. പ്രസാദ്, എഴുത്തുകാരന്‍ എന്‍. ശശിധരന്‍, സാഹിത്യനിരൂപകന്‍ ജി. മധുസൂദനന്‍ എന്നിവരടങ്ങുന്ന സമിതിയാണ് പുരസ്‌കാരം നിര്‍ണയിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates