ആലപ്പുഴ: സരസ്വതി പൂജ നടത്താന്‍ അനുവദിക്കണമെന്ന ഉത്തരേന്ത്യന്‍ വിദ്യാര്‍ത്ഥികളുടെ ആവശ്യം കൊച്ചി സര്‍വകലാശാല തളളി. കൊച്ചി സര്‍വകലാശാലയുടെ കുട്ടനാട് ക്യാമ്പസില്‍ സരസ്വതി പൂജ നടത്താന്‍ അനുവദിക്കണമെന്ന ഉത്തരേന്ത്യന്‍ വിദ്യാര്‍ത്ഥികളുടെ ആവശ്യമാണ് സര്‍വകലാശാല അധികൃതര്‍ നിഷേധിച്ചത്. 

മതപരമായ ചടങ്ങുകള്‍ ക്യാമ്പസില്‍ അനുവദിക്കാന്‍ കഴിയില്ല എന്ന് പറഞ്ഞ് വൈസ് ചാന്‍സലര്‍ ആര്‍ ശശിധരനാണ് സരസ്വതി പൂജയ്ക്ക് അനുമതി നിഷേധിച്ചത്.  ഇത് ഒരു മതനിരപേക്ഷ ക്യാമ്പസാണെന്ന് ഫ്രെബുവരി ഒന്നിന് പുറത്തിറങ്ങിയ നോട്ടീസില്‍ ശശിധരന്‍ വ്യക്തമാക്കി.