തിരുവനന്തപുരം; സാമൂഹികമാധ്യമങ്ങളിലെ ആതിക്രമങ്ങള്‍ക്കെതിരേ സാമൂഹിക പ്രവര്‍ത്തക അശ്വതി ജ്വാല സമര്‍പ്പിച്ച പരാതിയില്‍ വനിത കമ്മീഷന്‍ കേസെടുത്തു. തനിക്കും കുടുംബാംഗങ്ങള്‍ക്കും ഭീഷണിയുണ്ടെന്ന് പരാതിയില്‍ അശ്വതി പറഞ്ഞിരുന്നു. പരാതിയുടെ ഗൗരവം കണക്കിലെടുത്താണ് കേസെടുത്ത് അന്വേഷിക്കാന്‍ തീരുമാനിച്ചത്. 

വിദേശവനിത ലിഗയുടെ മരണവുമായി ബന്ധപ്പെട്ട് സര്‍ക്കാരിനേയും പൊലീസിനേയും അശ്വതി രൂക്ഷമായി വിമര്‍ശിച്ചിരുന്നു. അതിന് ശേഷമാണ് തനിക്കും സംഘടനയ്ക്കുമെതിരേ സാമൂഹിക മാധ്യമങ്ങളില്‍ ആക്രമണം തുടങ്ങിയതെന്നാണ് പരാതിയില്‍ പറയുന്നത്.