കൊച്ചി: നടിയെ അക്രമിച്ച കേസിലെ പ്രതി സുനില്‍കുമാര്‍ ജയിലില്‍ ഫോണ്‍ ഉപയോഗിച്ചതിനെക്കുറിച്ച് ജയില്‍ വകുപ്പ് പ്രാഥമിക അന്വേഷണം തുടങ്ങി. ജില്ലാ ജയില്‍ സൂപ്രണ്ടാണ് അന്വേഷണം നടത്തുന്നത്. സുനില്‍കുമാര്‍ ജയിലില്‍ ഉപയോഗിച്ചിരുന്ന ഫോണും സിംകാര്‍ഡും ഇന്നലെ കണ്ടെത്തിയിരുന്നു.ജ ഗള്‍ഫില്‍ നിന്നാണ് മൊബൈല്‍ ഫോണ്‍ കൊണ്ടുവന്നിരിക്കുന്നത്, തമിഴ്‌നാട്ടിലെ വിലാസത്തിലുള്ളതാണ് സിംകാര്‍ഡ്. ലീപിന്റെ മാനേജരെയും നാദിര്‍ഷയെയും വിളിച്ചത് ഈ ഫോണില്‍ നിന്നാണ്. ഫോണ്‍ ശാസ്ത്രീയ പരിശോധനക്ക് വിധേയമാക്കുമെന്ന് പൊലീസ് അറിയിച്ചു.

ഫോണ്‍ എത്തിച്ചുവെന്ന് സംശയിക്കുന്ന വിഷ്ണുവും സുനില്‍കുമാറും നല്‍കിയ മൊഴിയില്‍ വൈരുദ്ധ്യമുണ്ട്.  ദിലീപിന്റെ മാനേജര്‍ അപ്പുണ്ണിയോട് ഒന്നരക്കോടി രൂപ ആവശ്യപ്പെടുന്ന ഫോണ്‍ സംഭാഷണമാണ് പുറത്തുവന്നത്.

സുനില്‍കുമാറിന് ഫോണ്‍ എത്തിച്ചുകൊടുത്തത് വിഷ്ണു ആണെന്ന് ഇന്നലെ ചോദ്യം ചെയ്യലില്‍ വിഷ്ണു സമ്മതിച്ചിരുന്നു.