കൊച്ചി​: തിരുവനന്തപുരം–ഗുവാഹത്തിയടക്കം 100 റൂട്ടുകൾ സ്വകാര്യവൽക്കരിക്കാനുള്ള നീക്കം വേ​ഗത്തിലാക്കി റെയിൽവേ. റൂട്ടുകൾ സ്വകാര്യവൽക്കരിക്കാനുള്ള ടെൻഡർ റെയിൽവേ വൈകാതെ ക്ഷണിക്കുമെന്നാണ് റിപ്പോർട്ടുകൾ. 150 സ്വകാര്യ ട്രെയിനുകൾ അനുവദിക്കാനുള്ള റെയിൽവേ പദ്ധതിക്ക് അപ്രൈസൽ കമ്മിറ്റി അംഗീകാരം നൽകിയതോടെ നടപടിക്രമങ്ങൾ വേ​ഗത്തിലാകും. 

തിരുവനന്തപുരം–ഗുവാഹത്തി ദീർഘദൂര റൂട്ടുകളിൽ ഉൾപ്പെട്ടപ്പോൾ ഹ്രസ്വദൂര ഇന്റർസിറ്റി റൂട്ടുകളിൽ കൊച്ചി– തിരുവനന്തപുരവും പരി​ഗണനയിലുണ്ടെന്നാണ് റിപ്പോർട്ടുകൾ.  ന്യൂഡൽഹി – മുംബൈ, ന്യൂഡൽഹി – ചെന്നൈ, ന്യൂഡൽഹി – ബെംഗളൂരു, മുംബൈ– ചെന്നൈ, കൊൽക്കത്ത–ചെന്നൈ, മുംബൈ– വാരാണസി, മുംബൈ– പുണെ, ചെന്നൈ–കോയമ്പത്തൂർ തുടങ്ങിയവയാണ് മറ്റ് സാധ്യതാ റൂട്ടുകൾ.