കൊച്ചി :  കേരള ഹൈക്കോടതിയിലേക്ക് പുതുതായി നാല് ജഡ്ജിമാരെ കൂടി നിയമിക്കുന്നു. നാലു ജഡ്ജിമാരെ കൂടി നിയമിക്കാനുള്ള ശുപാർശയ്ക്ക് സുപ്രീംകോടതി കൊളീജിയം അംഗീകാരം നല്‍കി. 

നിലവില്‍ ജില്ലാ ജഡ്ജിമാരായ കെ ബാബു, ഡോ. കൌസര്‍ ഇടപ്പഗത്ത് , ഹൈക്കോടതി അഭിഭാഷകരായ മുരളി പുരുഷോത്തമന്‍,എ എ സിയാദ് റഹ്മാന്‍ എന്നിവരുടെ പേരുകളാണ് ഓ​ഗസ്റ്റ് പതിനാലിന് ചേര്‍ന്ന സുപ്രീംകോടതി കൊളീജിയം അംഗീകാരം നല്‍കിയത്. കൊളീജിയം ശിപാര്‍ശ നല്‍കിയ സാഹചര്യത്തില്‍ ഇനി രാഷ്ട്രപതി ഇവരെ നിയമിച്ച് ഉത്തരവിറക്കും.