കോഴിക്കോട്​: ദുബായിലേക്ക് പോകുന്ന യുവാവി​ന്​ ഹല്‍വയിൽ കഞ്ചാവ് ഒളിപ്പിച്ച് നൽകിയ യുവാവ്​ പിടിയിലായി. അടിവാരം വള്ളിക്കെട്ടുമ്മൽ മുനീഷിനെയാണ്​ താമരശ്ശേരി പൊലീസ്​ അറസ്​റ്റ്​ ചെയ്​തത്​. 

കമ്പിവേലുമ്മല്‍ അഷ്‌റഫി​​​െൻറ മകന്‍ അനീഷി​​​െൻറ കൈവശം കഞ്ചാവ് കൊടുത്തയക്കാനാണ് ശ്രമിച്ചത്. പാക്കിങ്ങിൽ സംശയം തോന്നിയതു കാരണം ബന്ധു അഴിച്ചുനോക്കിയപ്പോഴാണ് ഹൽവക്കുള്ളിൽ കഞ്ചാവ് കണ്ടത്. ദുബായിൽനിന്ന് അവധിക്കെത്തിയ അനീഷ് ബുധനാഴ്ച വൈകീട്ട് മടങ്ങാനിരിക്കെയാണ് മുനീഷ് പാർസൽ കൊണ്ടുവന്നത്. 

അനീഷി​​​െൻറ മാതൃസഹോദരൻ കുഞ്ഞാവ, ദുബായിലുളള മകൻ ഷാനിദിന് ​​​​​​​​കൊടുക്കാൻ ഏൽപിച്ചതാണെന്നാണ്​ പ്രതി വീട്ടുകാരെ ധരിപ്പിച്ചത്. പിന്നീടാണ്​ സംഭവം പുറത്തായത്​. തന്ത്രപരമായ നീക്കത്തില്‍ വെള്ളിയാഴ്ച മുനീഷിനെ നാട്ടുകാർ പിടികൂടുകയായിരുന്നു. ചോദ്യം ചെയ്തപ്പോള്‍ കുറ്റം സമ്മതിച്ചു. വിവരമറിഞ്ഞ്​ താമരശ്ശേരി എസ്.ഐ ഷറഫുദ്ദീ​​​െൻറ നേതൃത്വത്തില്‍ പൊലീസ് എത്തി പ്രതിയെയും കഞ്ചാവ് ഒളിപ്പിച്ച ഹല്‍വയും കസ്​റ്റഡിയിലെടുത്തു.