കുട്ടിയാനകളുടെ രസകരമായ നിരവധി വീഡിയോകള്‍ പുറത്തുവന്നിട്ടുണ്ട്. അത്തരത്തിലുളള ഒരു വീഡിയോയാണ് ഇപ്പോള്‍ സോഷ്യല്‍മീഡിയയില്‍ ഒന്നടങ്കം വ്യാപകമായി പ്രചരിക്കുന്നത്. 

തന്നേക്കാള്‍ വലിപ്പം കൂടിയ ആനകളോട് വികൃതി കാട്ടുന്ന കുട്ടിയാനയുടെ ദൃശ്യങ്ങളാണ് വീഡിയോയില്‍ ഉള്ളത്. 'കുട്ടികള്‍ എന്തും ചെയ്യാന്‍ ധൈര്യം കാണിക്കുന്നവരാണല്ലോ'. അതുപോലെയാണ് കുട്ടിയാനയുടെ പ്രവൃത്തി.

 വലിയ ആനകളോട് മല്ലിടുകയാണ് കുട്ടിയാന. മറ്റ് ആനകള്‍ മാറിപ്പോകാന്‍ ശ്രമിക്കുമ്പോഴും പിന്നാലെ നടന്ന് 'ധീരനെ' പോലെ ആക്രമിക്കാന്‍ ശ്രമിക്കുകയാണ് കുട്ടിയാന. കെനിയയിലെ ഷെല്‍ഡ്രിക് വൈല്‍ഡ് ലൈഫ് ട്രസ്റ്റാണ് വീഡിയോ പങ്കുവെച്ചത്. 

രണ്ടുമാസം മാത്രം പ്രായമുളള ലാപ എന്ന കുട്ടിയാനയുടെ വികൃതികളാണ് വീഡിയോയില്‍ ഉടനീളം. ആനകളെ സംരക്ഷിക്കുകകയും പുനരധിവാസം ഉറപ്പാക്കുകയും ചെയ്യുന്ന സന്നദ്ധ സംഘടനയാണ് ഷെല്‍ഡ്രിക് വൈല്‍ഡ് ലൈഫ് ട്രസ്റ്റ്.