റിയാദ് : 2020  ലെ ജി-20 ഉച്ചകോടി സൗദി അറേബ്യയില്‍ വച്ച് നടക്കും. റിയാദാവും ഉച്ചകോടിയുടെ വേദിയെന്ന് സൗദി ഭരണകൂടം തന്നെയാണ് വ്യക്തമാക്കിയത്. ഇതാദ്യമായാണ് ഒരു അറബ് രാജ്യം ജി- 20 ഉച്ചകോടിക്ക് വേദിയാകുന്നത്.

 ഈ വര്‍ഷത്തെ ഉച്ചകോടി ജൂണ്‍ അവസാനത്തോടെ ജപ്പാനിലെ ഒസാക്കയിലാണ് നടക്കുക. കഴിഞ്ഞ വര്‍ഷം അര്‍ജന്റീനയിലെ ബ്യൂണസ് അയേഴ്‌സില്‍ നടന്ന ഉച്ചകോടിയില്‍ മുഹമ്മദ് ബിന്‍ സല്‍മാന്‍ രാജകുമാരനാണ് സൗദിയെ പ്രതിനിധീകരിച്ചത്. പ്രധാനമന്ത്രി നരേന്ദ്രമോദിയുള്‍പ്പടെയുള്ള ലോക നേതാക്കളുമായി അദ്ദേഹം അന്ന് കൂടിക്കാഴ്ച നടത്തിയിരുന്നു.