ന്യൂയോർക്ക്: അമേരിക്കയിൽ അക്രമി നടത്തിയ വെടിവെപ്പിൽ നാല് പേർ മരിച്ചു. രണ്ട് കുട്ടികളടക്കം നാല് പേർക്ക് ആക്രമണത്തിൽ പരിക്കേറ്റു. ഫലാഡാൽഫിയയിൽ ഇന്നലെ വൈകീട്ടാണ് വെടിവെപ്പുണ്ടായത്. കിങ്സെസിങ് പരിസരത്താണ് ആക്രമണം. രണ്ട്, 13 വയസാണ് വെടിയേറ്റ കുട്ടികളുടെ പ്രായം. 

വെടിവെപ്പ് നടത്തിയ അക്രമിയെ പിടികൂടിയതായി ഫിലാഡാൽഫിയ പൊലീസ് വ്യക്തമാക്കി. ഇയാളിൽ നിന്നു റൈഫിൾ, വെടിമരുന്ന്, ബുള്ളറ്റ് പ്രൂഫ് ജാക്കറ്റ്, സ്കാനർ എന്നിവയും പിടിച്ചെടുത്തു. ഇതുമായി ബന്ധപ്പെട്ട് മറ്റൊരു വ്യക്തിയും പൊലീസ് കസ്റ്റഡിയിലുണ്ട്. 

മരിച്ച നാല് പേർ 20നും 60നും ഇടയിൽ പ്രായമുള്ളവരാണ്. പരിക്കേറ്റ കുട്ടികൾ അപകടനില തരണം ചെയ്തിട്ടുണ്ട്. യുഎസിൽ ഈ വർഷം മാത്രം 339 കൂട്ട വെടിവെപ്പ് കേസുകളാണ് റിപ്പോർട്ട് ചെയ്തത്.

ഈ വാർത്ത കൂടി വായിക്കൂ 

ഇന്ത്യൻ കോൺസുലേറ്റിനു ഖലിസ്ഥാനികൾ തീയിട്ടു; അപലപിച്ച് യുഎസ്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ