അജ്മാൻ: പൊലീസാണെന്ന വ്യാജേന നാ​ല് ല​ക്ഷം ദി​ർ​ഹം ത​ട്ടി​യെ​ടു​ത്ത കേ​സി​ൽ പ്രതികൾക്ക് ശിക്ഷ വിധിച്ച് അജ്‌മാൻ കോടതി. മൂ​ന്ന് ​വ​ർ​ഷം ത​ട​വും മോ​ഷ്ടി​ച്ച തു​കയ്ക്ക് തുല്യ​മാ​യ തു​ക പിഴയായി നൽകണമെന്നും കോടതിയുടെ ഉത്തരവിൽ പറയുന്നു. ശി​ക്ഷാ കാ​ലാ​വ​ധി ക​ഴി​ഞ്ഞാ​ൽ ഏ​ഴ് പ്ര​തി​ക​ളെ നാ​ട് കടത്തണമെന്നും കോടതി വിധിയിലുണ്ട്.

നാ​ലു ല​ക്ഷം ദി​ർ​ഹ​മി​ന്​ പ​ക​ര​മാ​യി യു.​എ​സ്​ ഡോ​ള​ർ ന​ൽ​കാ​മെ​ന്ന് പറഞ്ഞ് ഒരു സംഘം ആളുകൾ പരാതിക്കാരനെ സമീപിച്ചു. ഈ പണം കൈമാറാൻ ശ്രമിക്കുന്നതിനെയാണ് അ​റ​ബ് വം​ശ​ജ​രാ​യ മൂ​ന്നു​പേ​ർ പൊലീസുദ്യോഗസ്ഥർ എന്ന വ്യജേന ഇവരുടെ കാർ തടഞ്ഞു നിർത്തി പരിശോധിച്ചത്. തുടർന്ന് വാഹനത്തിൽ ഉണ്ടായിരുന്ന ​പരാതിക്കാരനെയും മറ്റ് മൂ​ന്നു പേ​രെ​യും പു​റ​ത്തി​റ​ക്കി നിർത്തി.

ഈ സമയം തട്ടിപ്പ് സംഘത്തിൽ ഉണ്ടായിരുന്ന മറ്റൊരു പ്രതി പരാതിക്കാരന്റെയും,മറ്റുള്ളവരുടെയും തി​രി​ച്ച​റി​യ​ൽ കാ​ർ​ഡു​ക​ളും ഫോ​ണും കൈ​ക്ക​ലാ​ക്കി. വാ​ഹ​ന​ത്തി​ൽ​ നി​ന്ന്​ പ​ണ​മ​ട​ങ്ങി​യ ബാ​ഗ് മറ്റൊരു കാറിലേക്ക് മാറ്റിയ ശേഷം സംഘം അവിടെ നിന്ന് രക്ഷപെടുകയായിരുന്നു.

പ​ണം ന​ഷ്ട​പ്പെ​ട്ട യു​വാ​വ്​ ഉടൻ തന്നെ അ​ജ്​​മാ​ൻ പൊ​ലീ​സി​ൽ പ​രാ​തി ന​ൽ​കി. പൊലീസ് നടത്തിയ അ​ന്വേ​ഷ​ണത്തിൽ മുഴുവൻ പ്രതികളെയും പിടികൂടുകയും നഷ്ടപ്പെട്ട പ​ണ​ത്തി​ന്റെ ഭൂ​രി​ഭാ​ഗ​വും കണ്ടെത്തുകയും ചെയ്തു. മോഷ്ടിച്ച പണത്തിൽ നിന്നും 63,000 ദിർഹം പ്രതികൾ വിദേശത്തേക്ക് അയച്ചതായാണ് വിവരം.

പിന്നീട് തി​രി​ച്ച​റി​യ​ൽ പ​രേ​ഡി​ൽ പരാതിക്കാരൻ പ്ര​തി​ക​ളെ തി​രി​ച്ച​റി​ഞ്ഞു. കേ​സി​ൽ മൂ​ന്ന്​ ദൃ​ക്സാ​ക്ഷി​ക​ളും കോ​ട​തി​യി​ൽ മൊ​ഴി ന​ൽ​കി. പ്രതികൾ കു​റ്റ​കൃ​ത്യം ചെയ്തത് കൃത്യമായ പദ്ധതിയോടെയാണ് എന്ന് കോടതിക്ക് ബോധ്യപ്പെട്ടു. ഇതോടെയാണ് പ്രതികൾക്ക് കടുത്ത ശിക്ഷ കോടതി വിധിച്ചത്.