ലണ്ടന്‍: മക്കളുടെ ശരീരത്തില്‍ വിഷാംശമുള്ള രാസവസ്തു കുത്തിവെച്ച ശേഷം ആത്മഹത്യയ്ക്ക് ശ്രമിച്ച മലയാളി യുവതി ബ്രിട്ടനില്‍ അറസ്റ്റിലായി. ഈസ്റ്റ് സസെക്‌സ് ഹണ്ടേഴ്‌സ് വേയില്‍ താമസിക്കുന്ന നഴ്‌സായ ജിലു മോള്‍ ജോര്‍ജ് (38) ആണ് അറസ്റ്റിലായത്.

ഗുരുതരാവസ്ഥയിലുള്ള കുട്ടികള്‍ ആശുപത്രിയില്‍ ചികിത്സയിലാണ്. പതിമൂന്നും എട്ടും വയസ്സുള്ള കുട്ടികളെയാണ് ജിലുമോള്‍ രാസവസ്തു കുത്തിവെച്ച് കൊലപ്പെടുത്താന്‍ ശ്രമിച്ചത്. വ്യാഴാഴ്ചയാണ് സംഭവം. ജിലുവിന്റെ ഭര്‍ത്താവ് നാട്ടിലാണ്.

കൊലപാതകശ്രമത്തിനും ആത്മഹത്യാശ്രമത്തിനും യുവതിക്കെതിരെ പൊലീസ് കേസെടുത്തിട്ടുണ്ട്. ബ്രൈറ്റൺ മജിസ്ട്രേട്ട് കോടതിയിൽ ഹാജരാക്കിയ യുവതിയെ കോടതി റിമാൻഡ് ചെയ്തു.