പാമ്പുകള്‍ തോലുരിയുന്നതാണ് പതിവായി കേട്ടിട്ടുള്ളത്.  ഞണ്ട് തോലുരിയുമോ?, ചോദ്യം കേള്‍ക്കുമ്പോള്‍ അതിശയം തോന്നാം. എന്നാല്‍ ഞണ്ടും തോലുരിയും എന്ന് വ്യക്തമാക്കുന്ന വീഡിയോയാണ് ഇപ്പോള്‍ പ്രചരിക്കുന്നത്.

പ്രശാന്ത് സാഹു ട്വിറ്ററില്‍ പങ്കുവെച്ച വീഡിയോയാണ് ഇപ്പോള്‍ സോഷ്യല്‍മീഡിയയില്‍ വൈറലാകുന്നത്. പാമ്പിനെ പോലെ തോലുരിഞ്ഞു പുറത്തുകടക്കുന്ന ഞണ്ടിന്റെ ദൃശ്യങ്ങളാണ് അമ്പരിപ്പിക്കുന്നത്. ഏറ്റവും രസകരമായ കാര്യം ഞണ്ടിന്റെ നിറമാണ്. തോലുരിയുന്നതിന് മുന്‍പ് സ്വര്‍ണനിറമായിരുന്നു ഞണ്ടിന്. തോലുരിഞ്ഞ് പുറത്തുവരുന്ന ഞണ്ടിന് കറുത്ത നിറമാണ്.