അംഗപരിമിതനായ നായയും കണ്ണ് കാണാന്‍ കഴിയാത്ത കുറുക്കനും തമ്മിലുള്ള സ്‌നേഹബന്ധത്തിന്റെ വീഡിയോ വൈറലാകുന്നു. വീല്‍ ചെയറിന്റെ സഹായത്തോടെയാണ് നായ നടക്കുന്നത്. വീല്‍ ചെയറിന്റെ ശബ്ദത്തിന് അനുസരിച്ച് കുറുക്കന്‍ നായയെ അകമ്പടി സേവിക്കുന്നതാണ് വീഡിയോയുടെ ഉള്ളടക്കം.

ബ്രിട്ടനില്‍ നിന്നുള്ളതാണ് വീഡിയോ. അന്ന ലാപ്പാസ് ആണ് ഭിന്നശേഷിക്കാരായ കുറുക്കനെയും നായയെും ദത്തെടുത്തത്. കണ്ണ് കാണാന്‍ കഴിയാത്ത കുറുക്കന് നായയാണ് കൂട്ട്. ജാക്ക് എന്നാണ് നായയ്ക്ക് ഇട്ടിരിക്കുന്ന പേര്. അംഗപരിമിതനായ നായ വീല്‍ ചെയറിന്റെ സഹായത്തോടെയാണ് നടക്കുന്നത്. നായയാണ് കുറുക്കന്റെ വഴികാട്ടി. നായയുടെ വീല്‍ചെയറിന്റെ ശബ്ദം പിന്തുടര്‍ന്ന് കുറുക്കന്‍ പിന്നാലെ പോകുന്നതാണ് വീഡിയോയിലുള്ളത്.