ബ്രസ്സൽസ്: താലിബാനെ വിശ്വസിക്കാൻ കഴിയില്ലെന്നും അവരുമായി ഒരു ചർച്ചയ്ക്കും ഇല്ലെന്നും യൂറോപ്യൻ യൂണിയൻ. താലിബാനെ അംഗീകരിക്കില്ല വാഗ്ദാനങ്ങൾ വിശ്വസിക്കാനും കഴിയില്ല. താലിബാന്റേത് അപകടകരമായ മുഖമാണെന്നും യൂറോപ്യൻ യൂണിയൻ കമ്മിഷൻ ചീഫ് ഉർസുല വോൺ ഡെർ ലെയെൻ പറഞ്ഞു. 

അതേസമയം, അഫ്ഗാനിലെ അഭയാർഥികളെ സഹായിക്കുമെന്നും യൂറോപ്യൻ യൂണിയൻ വ്യക്തമാക്കി. മനുഷ്യാവകാശങ്ങളെ സംരക്ഷിക്കാനും സ്ത്രീകളുടേയും കുട്ടികളുടേയും അവകാശങ്ങൾ സംരക്ഷിക്കാനും ന്യൂനപക്ഷത്തിന് സംരക്ഷണമേകാനും യൂണിയൻ മുൻപിലുണ്ടാകുമെന്ന് ഉർസുല വോൺ ഡെർ ലെയെൻ വ്യക്തമാക്കി.

അഫ്ഗാന്റെ നിയന്ത്രണം താലിബാൻ ഏറ്റെടുത്ത് ഒരാഴ്ച കഴിഞ്ഞപ്പോഴാണ് യുറോപ്യൻ യൂണിയന്റെ പ്രതികരണം. അഫ്ഗാനിലുണ്ടായിരുന്ന യൂറോപ്യൻ യൂണിയൻ അംഗങ്ങളെ നേരത്തെ തന്നെ കാബൂളിൽ നിന്ന് മാറ്റിയിരുന്നു.