ദുബായ്: യുഎഇയുടെ പേടകം ചൊവ്വയുടെ ഭ്രമണ പഥത്തിൽ. ഹോപ് പ്രോബ്​ എന്ന യുഎഇയുടെ  പേടകത്തിന്റെ വിക്ഷേപണം വിജയകരം. ചൊവ്വയുടെ ഭ്രമണപഥത്തിലേക്ക് പേടകം എത്തിക്കുന്ന അഞ്ചാമത്തെ രാജ്യമാണ്​ യുഎഇ. സോവിയറ്റ്​ യുണിയൻ, അമേരിക്ക​, യുറോ​പ്പ്യൻ യൂണിയൻ​, ഇന്ത്യ തുടങ്ങിയവരാണ്​ ഇതിന്​ മുമ്പ്​ ചൊവ്വ ദൗത്യം വിജയകരമായി പൂർത്തിയാക്കിയത്​.

പ്രാദേശിക സമയം 7.42നാണ് ഹോപ് പ്രോബ് ഭ്രമണപഥത്തിലെത്തിയത്. ആദ്യ ശ്രമത്തിൽ തന്നെ ചൊവ്വ ദൗത്യം വിജയിപ്പിക്കുന്ന മൂന്നാമത്തെ രാജ്യമായും​ യുഎഇ. 687 ദിവസമാണ് പേടകത്തിന്റെ ആയുസ്. ഒ​രാ​ഴ്​​ച​ക്കു​ള്ളി​ൽ ചൊ​വ്വ​യി​ൽ നി​ന്നു​ള്ള ചി​ത്ര​ങ്ങ​ൾ ഹോപ്​ അ​യ​ച്ചു​തു​ട​ങ്ങുമെന്നാണ് സൂചന. 

ചൊവ്വയുടെ ഭ്രമണപഥത്തിൽ നിന്ന് ഹോപ്പ് പ്രോബ് അയക്കുന്ന ചിത്രങ്ങൾ 11 മി​നി​റ്റ്​ കൊ​ണ്ട്​ ഭൂ​മി​യി​ലെ​ത്തും. 687 ദി​വ​സം കൊ​ണ്ട്​ (ചൊ​വ്വ​യി​ലെ ഒ​രു​വ​ർ​ഷം) ചൊ​വ്വ​യി​ലെ വി​വ​ര​ശേ​ഖ​ര​ണം പൂ​ർ​ത്തി​യാ​ക്കും.  എ​മി​റേ​റ്റ്​​സ്​ മാ​ർ​സ്​ സ്​​പെ​ക്​​ട്രോ മീ​റ്റ​ർ, ഇ​മേ​ജ​ർ, ഇ​ൻ​ഫ്രാ​റെ​ഡ്​ സ്​​പെ​ക്​​ട്രോ മീ​റ്റ​ർ എ​ന്നീ മൂ​ന്ന്​ ഉ​പ​ക​ര​ണ​ങ്ങ​ളാ​ണ്​ പ​ര്യ​വേ​ക്ഷ​ണ​ത്തി​ന്​ ഉ​പ​യോ​ഗി​ക്കു​ന്ന​ത്. 2020 ജൂ​ലൈ 20നാ​ണ്​ ജ​പ്പാ​നി​ലെ താ​നെ​ഗാ​ഷി​മ ഐ​ല​ൻ​ഡി​ൽ നി​ന്ന്​ ഹോ​പ്​ കു​തി​ച്ച​ത്.