ഓരോ ദിവസവും മൃഗങ്ങളുടെ രസകരവും അമ്പരപ്പിക്കുന്നതുമായ നിരവധി വീഡിയോകളാണ് പുറത്തുവരുന്നത്. ഇപ്പോള്‍ അത്തരത്തില്‍ കാഴ്ചക്കാരുടെ നെഞ്ചിടിപ്പ് വര്‍ധിപ്പിക്കുന്ന ഒരു വീഡിയോയാണ് വ്യാപകമായി പ്രചരിക്കുന്നത്. ഓടിക്കൊണ്ടിരിക്കുന്ന രണ്ട് ട്രെയിനുകള്‍ക്കിടയില്‍ അകപ്പെട്ടിട്ടും നിര്‍ത്താതെ ഓടുന്ന വെള്ളക്കുതിരയുടെ ദൃശ്യമാണിത്. 

രണ്ട് റെയില്‍പാളങ്ങള്‍ക്കിടയിലാണ് വെള്ളക്കുതിര . ഇരുവശത്തു നിന്നും ട്രെയിനെത്തിയതോടെയാണ് കുതിര കുടുങ്ങിയത്. എങ്ങും നില്‍ക്കാതെ കുതിര മുന്നോട്ട് തന്നെ കുതിച്ചു. മറുവശത്തു നിന്നെത്തിയ ട്രെയിന്‍ കടന്നുപോയതോടെയാണ് കുതിര  രക്ഷപ്പെട്ടത്. ശ്വാസം അടക്കിപ്പിടിച്ചാണ് ട്രെയിനിലുണ്ടായിരുന്നവര്‍ ഈ ദൃശ്യം കണ്ടത്. ഈജിപ്തിലാണ് സംഭവം നടന്നത്.

ഐപിഎസ് ഓഫിസറായ ദീപാന്‍ഷു കബ്രയാണ് ഈ ദൃശ്യം ട്വിറ്ററിലൂടെ പങ്കുവച്ചത്. മറുവശത്തേക്കുള്ള ട്രെയിന്‍ പോയതോടെ അപകടത്തില്‍ നിന്നും രക്ഷപ്പെട്ട കുതിര സമീപത്തെ ട്രാക്കിലേക്ക് കയറിയാണ് ഓട്ടം തുടര്‍ന്നത്.