മനാമ: അണുവികിരണം (Radiation) ഉണ്ടായാൽ പാലിക്കേണ്ട നിർദേശങ്ങൾ പുറത്തിറക്കി ബഹ്‌റൈൻ ആ​ഭ്യ​ന്ത​ര മ​ന്ത്രാ​ല​യം. പൊ​തു​ജ​ന​ങ്ങ​ളെ ബോ​ധ​വ​ത്ക​രി​ക്കു​ന്ന​ത്തിന്റെ ഭാഗമായി ആണ് നടപടി. വികിരണം, ഡേ​ർ​ട്ടി ബോം​ബു​ (dirty bomb) ക​ൾ എ​ന്നി​വ​യി​ൽ​ നി​ന്നു​ള്ള ആ​ഘാ​തം ഉ​ൾ​പ്പെ​ടെ വി​വി​ധ അ​ടി​യ​ന്ത​ര സാഹചര്യങ്ങളിൽ ജനങ്ങൾ സ്വീകരിക്കേണ്ട നിർദേശങ്ങളാണ് മ​ന്ത്രാ​ല​യം പുറത്തിറക്കിയത്. നാ​ഷ​ണ​ൽ സി​വി​ൽ പ്രൊ​ട്ട​ക്ഷ​ന്റെ ഔദ്യോഗിക സൈറ്റിൽ ( https://www.ncpp.gov.bh/en/ ) വിവരങ്ങൾ ലഭ്യമാണ്. പൊതു ജനങ്ങൾക്കിടയിൽ സുരക്ഷാ സം​സ്കാ​രം പ്രോ​ത്സാ​ഹി​പ്പി​ക്കു​ന്നത്തിന്റെ ഭാഗമായി ആണ് നടപടി. ഈ ​പോ​ർ​ട്ട​ൽ എ​ല്ലാ ജനങ്ങൾക്കും ഉപയോഗിക്കാൻ കഴിയുന്ന രീതിയിലാണ് ക്രമീകരിച്ചിരിക്കുന്നത്.

റേഡിയോ ആ​ക്‌​ടീ​വ് എ​ക്സ്പോ​ഷ​ർ ഉ​ണ്ടാ​യാ​ൽ ശ്രദ്ധിക്കേണ്ട പ്രധാനപ്പെട്ട കാര്യങ്ങൾ പരിശോധിക്കാം

• വ​സ്ത്ര​ത്തി​ന്റെ പു​റം പാ​ളി ശ്ര​ദ്ധാ​പൂ​ർ​വം നീ​ക്കം ചെയ്‌ത് ബാ​ഗി​ലാക്കി ദൂരത്തേക്ക് മാറ്റി വെക്കുക.

• നിങ്ങളുടെ ശരീരം കഴുകാൻ ജലസംഭരണി, ടാപ്പ് എന്നിവ ലഭ്യമല്ലെങ്കിൽ നനഞ്ഞ വൃത്തിയുള്ള തുണി ഉപയോഗിച്ചോ അല്ലെങ്കിൽ പേപ്പർ ടവൽ ഉപയോഗിച്ചോ വൃത്തിയാക്കുക. ഉപയോഗിച്ച പേപ്പർ,തുണി എന്നിവ ഒരു ബാഗിലാക്കി ദൂരെ മാറ്റി വെക്കുക.

• ചെറുതും വലുതുമായ എല്ലാ ജനലുകളും വാതിലുകളും തുറസ്സായ സ്ഥലങ്ങളും അടക്കുക

• ആണവ വികിരണ അപകടങ്ങൾ ഉണ്ടാകുന്ന സമയത്ത് മണൽത്തരി പോലെയോ പൊടി പോലെയോ ഉള്ള വസ്തുക്കൾ താഴേക്ക് പതിക്കും. അത് നമ്മുടെ ദേഹത്തും കാറിലുമൊക്കെ വീണേക്കാം. ഈ സാഹചര്യത്തിൽ ശ​രീ​ര​ത്തി​ലെ മൂ​ടാ​ത്ത മു​ഖം, കൈ​ക​ൾ തുടങ്ങിയ ഭാഗങ്ങളിൽ ന​ന​ഞ്ഞ തു​ണി​യോ ട​വ്വ​ലോ ഉ​പ​യോ​ഗി​ച്ച് തു​ട​യ്ക്കു​ക. സോ​പ്പോ ഷാം​പൂ​വോ ഉ​പ​യോ​ഗി​ച്ച് ക​ഴു​കാം. പക്ഷെ ക​ണ്ടീ​ഷ​ണ​ർ ഉ​പ​യോ​ഗി​ക്ക​രു​ത്, കാ​ര​ണം അ​ത് റേ​ഡി​യോ ആ​ക്‌​ടീ​വ് വ​സ്‌​തു​ക്ക​ൾ മു​ടി​യി​ൽ പ​റ്റി​പ്പി​ടി​ക്കാ​ൻ ഇ​ട​യാ​ക്കും.

• റേ​ഡി​യോ ആ​ക്‌​ടീ​വ് വ​സ്തു​ക്ക​ളുടെ ശക്തി പതിയെ ക്ഷയിക്കും. അത് കൊണ്ട് കു​റ​ഞ്ഞ​ത് 24 മ​ണി​ക്കൂ​റെ​ങ്കി​ലും വീ​ടി​നു​ള്ളി​ൽ തുടരുക.

• ഗർഭിണികളായ സ്ത്രീകൾ അപകടമൊഴിവായി എന്ന് ഉറപ്പ് വരുത്തിയ ശേഷം ഡോക്ടറെ സമീപിച്ചു ഗർഭസ്ഥശിശുവിന്റെ ആരോഗ്യസ്ഥിതി പരിശോധിക്കണം.

• "കാറ്റിന്റെ വേഗത, ദിശ, ദുരന്തത്തിന്റെ വലിപ്പവും വ്യാപ്തിയും, വികിരണത്തിന്റെ അളവും, റോഡുകൾക്കും കെട്ടിടങ്ങൾക്കും ഉണ്ടാകാവുന്ന നാശനഷ്ടങ്ങൾ എന്നിവ പരിശോധിച്ചാകും ആളുകളെ ഒഴിപ്പിക്കുന്ന കാര്യത്തിൽ തീരുമാനം എടുക്കുക.

• തുറസ്സായ പ്രദേശത്താണ് അപകടം നടക്കുമ്പോൾ നമ്മൾ നിൽക്കുന്നത് എങ്കിൽ വളരെ പെട്ടെന്ന് ഏതെങ്കിലും കെട്ടിടങ്ങളിലോ,കടകളിലോ കയറി വാതിലും കതകും അടച്ചു സുരക്ഷിതമായി ഇരിക്കണം.

• അപകടത്തിൽ ഗുരുതരമായി പരിക്കേറ്റിട്ടില്ലെങ്കിൽ, ആശുപത്രികൾ, ഫയർ സ്റ്റേഷനുകൾ, പൊലീസ് എന്നിവരുടെ അടിയന്തര സേവനം ഒഴിവാക്കുക. ഇങ്ങനെ ചെയ്യുന്നതിലൂടെ ഗുരുതരമായി പരിക്കേറ്റവർക്ക് സൗകര്യങ്ങൾ ലഭ്യമാക്കാൻ കഴിയും.

• ശാസ്ത്രജ്ഞർ കുടിവെള്ള വിതരണം സുരക്ഷിതമാണെന്ന് ഉറപ്പാക്കുന്നത് വരെ കുപ്പി വെള്ളം മാത്രം കുടിക്കുക.