ഒമാൻ ഉൾക്കടലിൽ മൂന്ന് കപ്പലുകൾ കൂട്ടിയിടിച്ചു വൻ അഗ്നി ബാധ. ഇന്ന് പുലർച്ചെ പ്രാദേശിക സമയം 1.40 ന് ആണ് അപകടമുണ്ടായത്. അഡലിന്‍ എണ്ണക്കപ്പലും (oil ships ) മറ്റ് രണ്ട് കപ്പലുകളും കൂട്ടിയിടിച്ചായിരുന്നു അപകടം സംഭവിച്ചത്.

24 ജീവനക്കാരെ അഡലിന്‍ എണ്ണക്കപ്പലില്‍ നിന്ന് രക്ഷപ്പെടുത്തിയാതായി യുഎഇ ദേശീയ സുരക്ഷാസേനയിലെ തീരദേശ സുരക്ഷ വിഭാഗം എക്സിലൂടെ അറിയിച്ചു. മറ്റുള്ളവർക്കായി തിരച്ചിൽ തുടരുകയാണെന്നും യുഎഇയുടെ 24 നോട്ടിക്കല്‍ മൈല്‍ അകലെ ഒമാന്‍ ഉൾക്കടലിലാണ് അപകടം ഉണ്ടായതെന്നും സുരക്ഷാസേന വ്യക്തമാക്കി. രക്ഷപ്പെടുത്തിയ ജീവനക്കാരെ ഖോര്‍ഫക്കാന്‍ തുറമുഖത്തെത്തിച്ചു.

കപ്പലുകള്‍ കത്തുന്നതുമായി ബന്ധപ്പെട്ട ചിത്രങ്ങൾ സാമൂഹിക മാധ്യമങ്ങളിൽ ചിലർ പങ്കു വെച്ചിട്ടുണ്ട്. എന്നാല്‍ ഇത് സ്ഥിരീകരിക്കാൻ ആകില്ലെന്നാണ് വിദഗ്ദ്ധർ പറയുന്നത്. അതെ സമയം സംഭവത്തിന് ഇറാൻ സംഘർഷവുമായി ബന്ധമില്ലെന്ന് അധികൃതർ വ്യക്തമാക്കി.

യു എ ഇ: ഡ്രൈ​വ​റി​ല്ലാ ടാക്‌സികൾ ഉടൻ എത്തുന്നു, തൊഴിൽ നഷ്ടമാകുമെന്ന ഭീതിയിൽ ഇന്ത്യക്കാർ