കാബൂള്: അഫ്ഗാനിസ്ഥാനില് സ്കൂളുകളില് സ്ഫോടന പരമ്പര. മൂന്നു സ്ഫോടനങ്ങളിലായി ആറുപേര് കൊല്ലപ്പെട്ടതായി റിപ്പോര്ട്ട്. പടിഞ്ഞാറന് കാബൂളിലെ അബ്ദുള് റഹിം ഷാഹിദ് ഹൈ സ്കൂള്, മുംതാസ് സ്കൂള് എന്നിവിടങ്ങളിലാണ് സ്ഫോടനങ്ങള് നടന്നത്.
മുംതാസ് സ്കൂളിലാണ് ആദ്യ സ്ഫോടനം നടന്നത്. പിന്നാലെ അബ്ദുള് റഹീം ഷാഹിദ് സ്കൂളിലും സ്ഫോടനം നടന്നു. കൊല്ലപ്പെട്ടവരില് വിദ്യാര്ത്ഥികളുണ്ടോയെന്നത് വ്യക്തമായിട്ടില്ല. ചാവേറാക്രമണമാണ് നടന്നത് എന്നാണ് പ്രാഥമിക വിവരം.
കാബൂളിലെ വിദ്യാഭ്യാസ സ്ഥാപനങ്ങള് പ്രവര്ത്തിക്കുന്ന മേഖലയാണിത്. അബ്ദുള് റഹീം സ്കൂളിന്റെ പ്രധാന ഗേറ്റിന് മുന്നിലാണ് സ്ഫോടനം നടന്നത്. സ്ഫോടന സമയത്ത് കുട്ടികളുടെ വലിയ കൂട്ടം ഇവിടെയുണ്ടായിരുന്നതായി അഫ്ഗാന് മാധ്യമങ്ങളെ ഉദ്ധരിച്ച് വാര്ത്താ ഏജന്സികള് റിപ്പോര്ട്ട് ചെയ്തു.
ഈ വാര്ത്ത കൂടി വായിക്കൂ അഫ്ഗാനില് പാകിസ്ഥാന്റെ വ്യോമാക്രമണം; കുട്ടികള് ഉള്പ്പെടെ 36പേര് കൊല്ലപ്പെട്ടെന്ന് താലിബാന്
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates