റണ്‍വെയില്‍ വെച്ച് വിമാനത്തിന്റെ എഞ്ചിനില്‍പ്പെട്ട് എയര്‍പോര്‍ട്ട് ജീവനക്കാരന്‍ മരിച്ച സംഭവത്തില്‍ വഴിത്തിരിവ്. ജീവനക്കാരന്റേത് ആത്മഹത്യയാണെന്ന് മെഡിക്കല്‍ റിപ്പോര്‍ട്ട്. അമേരിക്കയിലെ ടെക്‌സാസിലെ അന്റോണിയൊ വിമാനത്താവളത്തിലാണ് തിങ്കളാഴ്ച സംഭവം നടന്നത്. 

ബെക്‌സാര്‍ കൗണ്ടി മെഡിക്കല്‍ എക്‌സാമിനര്‍ ആണ് 27കാരനായ ഡേവിഡ് റെന്നറിന്റെത് ആത്മഹത്യയാണെന്ന് വ്യക്തമാക്കിയിരിക്കുന്നത്. 

പ്രാദേശിക സമയം രാത്രി 10.25നാണ് മരണം നടന്നത്. ലാന്‍ഡ് ചെയ്ത ഡെല്‍റ്റ വിമാനത്തിന്റെ എഞ്ചിന്‍ തൊഴിലാളിയെ വലിച്ചെടുക്കുകയായിരുന്നു എന്നായിരുന്നു പ്രാഥമിക നിഗമനം. ഗ്രൗണ്ട് ഹാന്റ്‌ലിങ് ഓപ്പറേഷനുകള്‍ക്ക് വേണ്ടിയുള്ള യുണിഫി ഏവിയേഷന്റെ സ്റ്റാഫ് ആയിരുന്നു മരിച്ചയാള്‍.

തങ്ങളുടെ പോളിസിയുമായോ സുരക്ഷാ നടപടിക്രമങ്ങളുമായോ പ്രവര്‍ത്തന ശൈലിയുമായോ ബന്ധപ്പെട്ടല്ല അപകടം നടന്നതെന്നും മരിച്ച ജീവനക്കാരനോടുള്ള ബഹുമാനത്താല്‍, കൂടുതല്‍ വിവരങ്ങള്‍ പുറത്തുവിടുന്നില്ലെന്നും ഇന്നലെ തന്നെ യൂണിഫി ഏവിയേഷന്‍ അറിയിച്ചിരുന്നു. 

ഈ വാര്‍ത്ത കൂടി വായിക്കൂ വാഗ്നര്‍ തലവന്‍ എങ്ങോട്ടുപോയി?; അന്വേഷണം അവസാനിപ്പിച്ചെന്ന് റഷ്യ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ