ഹവാന : ആറുപതിറ്റാണ്ടു നീണ്ട കാസ്‌ട്രോ യുഗത്തിന് വിരാമമിട്ട് റൗള്‍ കാസ്‌ട്രോ ക്യൂബന്‍ കമ്യുണിസ്റ്റ് പാര്‍ട്ടി നേതൃസ്ഥാനം ഒഴിഞ്ഞു. അനാരോഗ്യത്തെത്തുടര്‍ന്നാണ് തീരുമാനം. യുവതലമുറയ്ക്ക് നേതൃത്വം കൈമാറുകയാണെന്ന് 89 കാരനായ റൗള്‍ കാസ്‌ട്രോ പറഞ്ഞു.
നാലു ദിവസം നീണ്ടുനില്‍ക്കുന്ന പാര്‍ട്ടി കോണ്‍ഗ്രസില്‍ കാസ്‌ട്രോയുടെ പിന്‍ഗാമിയെ തെരഞ്ഞെടുക്കും. മിഗേല്‍ ഡൂയസ് കാനല്‍ (60) പാര്‍ട്ടി തലപ്പത്ത് എത്തുമെന്നാണ് സൂചന. 2018 ല്‍ മിഗേല്‍ ഡൂയസ് ക്യൂബന്‍ പ്രസിഡന്റായി ചുമതലയേറ്റിരുന്നു. എങ്കിലും പാര്‍ട്ടി തലപ്പത്ത് റൗള്‍ കാസ്‌ട്രോ തുടരുകയായിരുന്നു.
1959 മുതല്‍ 2006 വരെ റൗളിന്റെ സഹോദരനും ക്യൂബന്‍ വിപ്ലവനായകനുമായ ഫിഡല്‍ കാസ്‌ട്രോ ആയിരുന്നു പാര്‍ട്ടിയുടെ തലപ്പത്ത്. ഭരണനേതൃത്വവും ഫിഡലായിരുന്നു. ഫിഡല്‍ കാസ്‌ട്രോ അസുഖബാധിതനായതിനെ തുടര്‍ന്ന് 200 ലാണ് സഹോദന്‍ റൗള്‍ കാസ്‌ട്രോ അധികാരമേറ്റത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates