പാമ്പുമായി ബന്ധപ്പെട്ട നിരവധി വീഡിയോകളാണ് ഓരോ ദിവസവും പുറത്തുവരുന്നത്. ചിലത് കൗതുകം ജനിപ്പിക്കുമ്പോള്‍ മറ്റു ചിലത് ഭയപ്പെടുത്തുന്നതാണ്. ഇപ്പോള്‍ വളര്‍ത്തുനായയുമായി കളിക്കുന്നതിനിടെ പിഞ്ചു കുഞ്ഞ് അബദ്ധത്തില്‍ പാമ്പിനെ കൈയില്‍ എടുക്കുന്ന ദൃശ്യങ്ങളാണ് വൈറലാകുന്നത്.

എറിഞ്ഞു കൊടുക്കുന്നത് കടിച്ചെടുത്ത് ദൂരെയ്ക്ക് വലിച്ചെറിയുന്ന കളിയിലാണ് കുഞ്ഞും നായയും ഏര്‍പ്പെട്ടിരുന്നത്. അത്തരത്തില്‍ ഒരു ചുള്ളിക്കമ്പ് എടുത്ത് കുഞ്ഞ് വലിച്ചെറിഞ്ഞു. പാമ്പ് ഇത് കടിച്ചെടുത്ത് ദൂരെയ്ക്ക് കൊണ്ടുപോയി. അതിനിടെ പറമ്പില്‍ തൊട്ടടുത്ത് കിടന്നിരുന്ന പാമ്പിനെ ചുള്ളിക്കമ്പ് ആണെന്ന് കരുതിയാണ് കുഞ്ഞ് എടുക്കുന്നത്. തൊട്ടടുത്ത നിമിഷം അവിടെ ഉണ്ടായിരുന്ന കുഞ്ഞിന്റെ അച്ഛന്‍ കൈയില്‍ നിന്ന് പാമ്പിനെ പിടിച്ചുവാങ്ങി ദൂരെയ്ക്ക് വലിച്ചെറിഞ്ഞു. കളിയാണെന്ന് കരുതി പാമ്പിനെ കടിച്ചെടുക്കാന്‍ പോയ നായയെ കുഞ്ഞിന്റെ അച്ഛന്‍ താക്കീത് ചെയ്യുകയും ചെയ്തു. 

ഇന്‍സ്റ്റഗ്രാമിലാണ് വീഡിയോ പങ്കുവെച്ചത്. ഹിയര്‍മീഔട്ട് എന്ന ഇന്‍സ്റ്റഗ്രാം ഹാന്‍ഡില്‍ നിന്നാണ് വീഡിയോ പങ്കുവെച്ചിരിക്കുന്നത്. യഥാസമയം പ്രതികരിച്ച കുഞ്ഞിന്റെ അച്ഛന് സോഷ്യല്‍മീഡിയയില്‍ അഭിനന്ദനപ്രവാഹമാണ്.

ഈ വാര്‍ത്ത കൂടി വായിക്കൂ 

വജ്രത്തോളമെത്തില്ല, പക്ഷേ..; കാഠിന്യമുള്ള വസ്തുവിനെ കണ്ടെത്തി ഗവേഷകര്‍ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ