കഠ്മണ്ഡു: നേപ്പാളില്‍ അപൂര്‍വ്വയിനം പാമ്പിനെ കണ്ടെത്തി. വെള്ള നിറമുള്ള എട്ടടി വീരനെയാണ് കണ്ടെത്തിയതെന്ന് പഠനറിപ്പോര്‍ട്ട് വ്യക്തമാക്കുന്നു. ഇത്തരത്തിലുള്ള ഒരു പാമ്പിനെ കണ്ടെത്തുന്നത് ഇതാദ്യമായാണ്.

നേപ്പാളിലെ ധനുസാദം നഗരസഭയിലാണ് അപൂര്‍വ്വയിനം പാമ്പിനെ കണ്ടെത്തിയത്. ഇതിന്റെ ത്വക്കിന് പിങ്ക് നിറമാണ്. കറുത്ത കണ്ണുകളുള്ള ഈ പാമ്പ് അപൂര്‍വ്വയിനമായാണ് വിലയിരുത്തുന്നത്.

ജനിതക പ്രശ്‌നം കൊണ്ടാകാം പാമ്പിന്റെ നിറ വ്യതിയാനമെന്ന്് വിദഗ്ധര്‍ പറയുന്നു. ഭാഗികമായി പിഗ്മെന്റേഷന്‍ നഷ്ടപ്പെടുന്ന ലൂസിസമാകാം ഇതിന് കാരണമെന്നാണ് റിപ്പോര്‍ട്ടുകള്‍ ചൂണ്ടിക്കാണിക്കുന്നത്.