ഇന്ത്യന്‍ ടൂറിസ്റ്റുകള്‍ക്കും വ്യവസായികള്‍ക്കും ബ്രസീല്‍ സന്ദര്‍ശിക്കാന്‍ ഇനി വിസ വേണ്ട. ബ്രസീല്‍ പ്രസിഡന്റ് ജെയിര്‍ ബൊല്‍സോനരോയാണ് ഇക്കാര്യം അറിയിച്ചിരിക്കുന്നത്. ഇന്ത്യക്കൊപ്പം ചൈനീസ് പൗരര്‍ക്കും ഇനി വിസയില്ലാതെ ബ്രസീലിലെത്താം.

ചൈന സന്ദര്‍ശനത്തിന് ശേഷമാണ് അദ്ദേഹം ഇക്കാര്യം വ്യക്തമാക്കിയത്. നേരത്തെ, അമേരിക്ക, കാനഡ, ജപ്പാന്‍, ആസ്‌ട്രേലിയ എന്നീ രാജ്യങ്ങള്‍ക്കും ബ്രസീല്‍ ആനുകൂല്യം നല്‍കിയിരുന്നു. എന്നാല്‍ ഈ രാജ്യങ്ങളൊന്നും ബ്രസീല്‍ പൗരര്‍ക്ക് തിരിച്ച് വിസ ഇളവ് നല്‍കിയിട്ടില്ല.