അമേരിക്കന്‍ പ്രസിഡന്റെ ഡൊണാള്‍ഡ് ട്രംപിനെ പരിഹസിക്കുന്നത് ഒരു കായിക ഇനമായാന്‍ ടെന്നീസ് താരം ആന്‍ഡി മുറെ തന്നെയാവും ജേതാവ്. ട്രംപിന്റെ ട്വീറ്റിനെ പരിഹസിച്ചായിരുന്നു ട്വിറ്ററില്‍ കഴിഞ്ഞ ദിവസം മുറെ അലയൊലി തീര്‍ത്തത്. 

ടൈം മാഗസിനിന്റെ പേഴ്‌സണ്‍ ഓഫ് ദി ഇയര്‍ പുരസ്‌കാരം തനിക്കായിരിക്കുമെന്ന് അവര്‍ പറഞ്ഞു. പക്ഷേ ഞാന്‍ അഭുമുഖത്തിനും ഫോട്ടോ ഷൂട്ടിനും സമയം നല്‍കണം. എന്നാല്‍ തനിക്കതിനോട്  യോജിപ്പില്ല എന്നായിരുന്നു ട്രംപ് ട്വിറ്റ് ചെയ്തത്.  

ഇതിന് പിന്നാലെ വന്നു മുറെയുടെ ട്വീറ്റ്. സ്‌പോര്‍ട്‌സ് പേഴ്‌സണാലിറ്റി ഓഫ് ദി ഇയര്‍ ഞാനാകുമെന്നാണ് ബിബിസി വിളിച്ച് സൂചന നല്‍കിയത്.  എന്നാല്‍ അഭിമുഖത്തിനും ഇന്റര്‍വ്യൂനും സമയം നല്‍കണം. എന്നാല്‍ തനിക്കതിനോട് യോജിപ്പില്ല എന്ന് മുറെ ട്വിറ്ററില്‍ കുറിച്ചു. 

ട്രംപിന്റെ ട്വീറ്റ് റീട്വീറ്റ് ചെയ്യുകയോ, ട്രംപിന്റെ പേര് പരാമര്‍ശിക്കുകയോ ചെയ്യാതെയായിരുന്നു മൂന്ന് തവണ ഗ്രാന്‍സ്ലാം കിരീടം സ്വന്തമാക്കിയ മുറേയുടെ ട്വീറ്റ്.