മുംബൈ: അധോലോക നേതാവ് ദാവൂദ് ഇബ്രാഹിമിന്റെ അനുയായി ഷക്കീല്‍ അഹമ്മദ് ഷെയ്ഖ് അന്തരിച്ചു. ഹൃദ്രോഗത്തിന് ചികിത്സയിലായിരുന്നു. തെക്കന്‍ മുംബൈയിലെ ജസ്ലോക് ആശുപത്രിയില്‍ വച്ച് ഇന്നലെയായിരുന്നു അന്ത്യം.

 വിദേശത്ത് നിന്നും കള്ളക്കടത്ത് നടത്തുന്നതിലും ദാവൂദിന് വേണ്ടി കള്ളപ്പണം എത്തിച്ചിരുന്നതും ലാംബു ഷക്കീല്‍ എന്നറിയപ്പെട്ടിരുന്ന അഹമ്മദ് ആയിരുന്നു. ദാവൂദിന്റെയും ഛോട്ടാ ഷക്കീലിന്റെയും വിശ്വസ്തനായി ഇയാള്‍ പില്‍ക്കാലത്ത് മാറിയിരുന്നതായും പൊലീസ് വ്യക്തമാക്കി. സ്വര്‍ണക്കടത്തിലും സ്‌ഫോടക വസ്തുക്കളും ആയുധങ്ങളും കടത്തുന്നതിലും ഇയാള്‍ കുപ്രസിദ്ധനായിരുന്നുവെന്നും റിപ്പോര്‍ട്ടുകളുണ്ട്.  

ഹവാല റാക്കറ്റുകളെ അടക്കി ഭരിച്ച ഷക്കീല്‍ പിന്നീട് ദുബൈയിലേക്ക് കടന്നു. 2003 ല്‍ ദുബൈയില്‍ നിന്ന് ഇന്ത്യയിലേക്ക് വന്ന ഷക്കീലിനെ പൊലീസ് അറസ്റ്റ് ചെയ്യുകയായിരുന്നു.