റോം: ഇറ്റലിയിലെ നിശാക്ലബില്‍ തിക്കിലും  തിരക്കിലും നടപ്പാലം തകര്‍ന്ന് 5 കൗമാരക്കാര്‍ ഉള്‍പ്പടെ ആറ് മരണം. പരുക്കേറ്റവരില്‍ 14 പേരുടെ നില ഗുരുതരം.

അഡ്രിയാറ്റിക് തീരത്ത് അന്‍കോനയില്‍ കൊറിനാല്‍ഡോ നഗരത്തിലെ നിശാക്ലബിലാണ് സംഭവം. കുരുമുളക് സ്‌പ്രേ പോലെ എന്തോ ഉപയോഗിച്ചതിനെ തുടര്‍ന്ന് പരിഭ്രാന്തരായ ആളുകള്‍ ഉന്തും തള്ളും ഉണ്ടാക്കിയതാണ് അപകടകാരണമെന്ന് വിലയിരുത്തപ്പെടുന്നത്.

ഭയപ്പെട്ടോടിയ ആളുകള്‍ എമര്‍ജന്‍സി കവാടം വഴി പുറത്തിറങ്ങാന്‍ തിക്കിത്തിരക്കി. 3 എമര്‍ജന്‍സി കവാടങ്ങളില്‍ ഒന്ന് ചെറിയ നടപ്പാലത്തിലേക്കാണ് എത്തുന്നത്. തള്ളലില്‍ പാലത്തിന്റെ കൈവരികള്‍ തകര്‍ന്ന്  ആളുകള്‍ താഴേക്ക് വീഴുകയായിരുന്നു.